समाजकल्याचा निरिक्षक लाचखोर गजाआड
प्रलंबित बिलाचा निधी मिळवून देण्यासाठी ७५ हजारांची लाच; समाजकल्याण निरीक्षक एसीबीच्या जाळ्यात! राहुरी | प्रतिनिधी अहिल्यानगरमध्ये लाचलुचपत प्रतिबंधक विभागाने (एसीबी) मोठी कारवाई करत ७५ हजार रुपयांची लाच स्वीकारणाऱ्या समाजकल्याण विभागातील निरीक्षकाला रंगेहाथ पकडले. संदीप हरिभाऊ फुंदे असे या लाचखोर लोकसेवकाचे नाव आहे. प्रलंबित बिलाचा निधी मिळवून देण्यासाठी मंत्रालयात प्रस्ताव सादर करणे आणि पुढील कार्यवाही करण्याच्या नावाखाली त्याने तक्रारदाराकडे लाचेची मागणी केल्याचे तपासात समोर आले आहे. नेमके प्रकरण काय? या प्रकरणातील तक्रारदार हे ४८ वर्षीय शासकीय ठेकेदार आहेत. त्यांना अहिल्यानगर महानगरपालिका हद्दीतील केडगाव येथील सर्व्हे क्रमांक ४९/२ आणि ५०/१ मधील जागेवर संत रोहिदास विकास केंद्र उभारण्याचे काम देण्यात आले होते. यासंदर्भात जा. क्र. ४७७/२०२३-२४, दिनांक १३ फेब्रुवारी २०२४ रोजी त्यांना कार्यारंभ आदेश देण्यात आला होता. तक्रारदारांनी संबंधित काम पूर्ण केले असून, त्यापोटी आतापर्यंत २५ लाख रुपये मिळाले आहेत. मात्र, उर्वरित २४ लाख ८० हजार ९८४ रुपयांचा निधी अद्याप प्रलंबित होता. हा न...
