GHADGE NEWS

अहिल्यानगर जिल्ह्यात लोकशाहीचा उत्सव; ९९.२७ टक्के विक्रमी मतदान राहुरी - प्रतिनिधी  जिल्ह्यातील १४ तालुक्यांमधील विविध सहकारी संस्थांच्या निवडणूक प्रक्रियेसाठी घेण्यात आलेल्या मतदानात मतदारांनी उत्स्फूर्त सहभाग नोंदवला आहे. जिल्हा उपनिबंधक कार्यालयाकडून जाहीर करण्यात आलेल्या अंतिम आकडेवारीनुसार जिल्ह्यात एकूण ९९.२७ टक्के मतदान झाले असून, हे आजवरचे सर्वाधिक मतदान मानले जात आहे. दरम्यान संगमनेर येथील मतदान केंद्रामध्ये मतपत्रिकेची व्हिडिओ शूटिंग केल्याप्रकरणी पोलीस स्टेशन संगमनेर येथे गुन्हा दाखल करण्यासाठी अर्ज दिलेला आहे. जिल्ह्यात एकूण ३८४७ मतदार होते. त्यापैकी ३८०९ मतदारांनी प्रत्यक्ष मतदान केंद्रावर जाऊन मतदान केले. केवळ ३८ मतदार अनुपस्थित राहिले. प्राथमिक कृषी, बिगरशेती आणि शेतीपूरक या तीन प्रमुख मतदारसंघांसह राखीव प्रवर्गासाठी हे मतदान घेण्यात आले. पाच तालुक्यांचा आदर्श - शंभर टक्के मतदान जिल्ह्यातील अकोले, नेवासा, पाथर्डी, श्रीगोंदा आणि श्रीरामपूर या पाच तालुक्यांनी १०० टक्के मतदान करून आदर्श निर्माण केला आहे. अकोले तालुक्यात २३१ पैकी २३१, नेवासा तालुक्यात २४६ पैक...

सणासुदीच्या सेलमध्ये एक्सपायरी संपलेला माल विकताय?  राहुरी। प्रतिनिधी  दिवाळी सणा निमित्त फसव्या जाहिरातींना बळी पडु नका  फसव्या मोहात अडकुन भगार माल खरेदी करु नका आपल्या परिसरात ज्या स्किम सुरु आहेत त्याला परवागी आहे का हे ही पहा  सावधान!स्वस्त खरेदीच्या मोहात आरोग्याशी खेळ नको; ग्राहकांनी वस्तूंची मुदत आणि लेबल तपासण्याचे आवाहन सणासुदीच्या काळात बाजारपेठांमध्ये आकर्षक ऑफर्स आणि भरघोस सवलतींचा धडाका सुरू असतो. कमी किमतीत वस्तू मिळत असल्याने ग्राहकही मोठ्या प्रमाणावर खरेदी करतात. मात्र, या स्वस्त खरेदीच्या मोहात ग्राहकांच्या आरोग्याशी खेळ केला जात नाही ना, याची खबरदारी घेणे आता आवश्यक झाले आहे. सेल आणि डिस्काउंटच्या नावाखाली मुदत संपलेले खाद्यपदार्थ किंवा इतर उत्पादने ग्राहकांच्या माथी मारली जात असल्यास हा गंभीर प्रकार ठरू शकतो. त्यामुळे ग्राहकांनी सावध राहण्याची गरज आहे. दिवाळी आणि इतर सणांच्या पार्श्वभूमीवर बाजारपेठा, मॉल्स, सुपरमार्केट आणि किराणा दुकानांमध्ये विविध वस्तूंवर आकर्षक सवलती जाहीर केल्या जातात. काही ठिकाणी एकावर एक मोफत, विशेष सवलत, क्लिअरन...

राजकारणाच्या मैदानात फटकेबाजी अन् क्रिकेटच्या मैदानातही ! पालकमंत्री राधाकृष्ण विखे-पाटील यांच्या हातात बॅट राहुरी । प्रतिनिधी राजकारणाच्या मैदानात विरोधकांचे चेंडू टोलवायची सवय असलेल्या पालकमंत्री राधाकृष्ण विखे-पाटील यांनी रविवारी चक्क क्रिकेटच्या मैदानात उतरून बॅट फिरवली आणि उपस्थितांना सुखद धक्का दिला! नेहमी जनतेच्या प्रश्नांसाठी, विकासकामांसाठी आणि बैठकांच्या धावपळीत व्यस्त असणारे विखे-पाटील आज मात्र काही काळासाठी राजकारण बाजूला ठेवून थेट क्रिकेटपटूच्या भूमिकेत दिसले. राहाता तालुका प्रीमियर लीग क्रिकेट स्पर्धेच्या निमित्ताने पालकमंत्र्यांनी मैदानात फलंदाजीसाठी हातात बॅट घेतली. गोलंदाज चेंडू टाकण्यासाठी सज्ज झाला आणि विखे-पाटील यांनीही फलंदाजीसाठी आपली भूमिका घेतली. त्यानंतर सुरू झाला चेंडू आणि बॅटचा सामना! गोलंदाजाच्या हातातून सुटणाऱ्या प्रत्येक चेंडूवर त्यांचे बारीक लक्ष होते. चेंडूची दिशा आणि टप्पा ओळखत त्यांनी बॅटने फटके लगावले. त्यांच्या या फटकेबाजीला उपस्थित क्रिकेटप्रेमींनी टाळ्यांच्या गजरात दाद दिली. खरे तर राजकारणात रोजच अनेक चेंडूंचा सामना करावा लागतो. कधी आरो...

उल्हास नव भारत साक्षरता अभियानांतर्गत राज्यात परीक्षा पुढील शिक्षणाचीही मिळणार संधी पुणे | प्रतिनिधी महाराष्ट्र राज्यात केंद्र शासनाच्या ‘उल्लास नव भारत साक्षरता कार्यक्रमांतर्गत’ पायाभूत साक्षरता व संख्याज्ञान मूल्यमापन चाचणी  रविवार, २५ ऑक्टोबर २०२६ रोजी यशस्वीरीत्या पार पडली. राज्यातील सर्व जिल्ह्यांमधील युडायस क्रमांक प्राप्त शाळांमध्ये आयोजित या परीक्षेला सुमारे सात लाख असाक्षर व्यक्तींनी सहभाग नोंदविला. या चाचणीत निर्धारित निकषांनुसार उत्तीर्ण होणाऱ्या नवसाक्षरांना केंद्र शासनाच्या शालेय शिक्षण व साक्षरता विभागाकडून प्रमाणपत्र व गुणपत्रक देण्यात येणार आहे. केंद्र शासनाच्या मार्गदर्शक सूचनांनुसार सन २०२२-२३ ते २०२६-२७ या कालावधीत ‘उल्लास नव भारत साक्षरता कार्यक्रम’ राबविण्यात येत आहे. या कार्यक्रमांतर्गत सन २०२५-२६ मध्ये उल्लास अॅपवर नोंदणी केलेल्या असाक्षरांसाठी ही परीक्षा घेण्यात आली. मराठी, हिंदी, इंग्रजी, उर्दू, गुजराती, कन्नड, तेलुगू, तमिळ आणि बंगाली अशा नऊ भाषांमधून परीक्षेचे आयोजन करण्यात आले होते. जीवनोपयोगी कौशल्यांच्या विकासावर भर केवळ वाचन, लेखन आणि संख्...

ऊसाला प्रतिटन ५ हजार रुपये पहिली उचल द्या; राहुरीत शेतकऱ्यांचे रास्ता रोको आंदोलन  राहुरी । ऊस उत्पादक शेतकऱ्यांना प्रतिटन ५ हजार रुपये पहिली उचल मिळावी, साखरेची किमान विक्री किंमत वाढवावी आणि ऊस वजनातील काटामारी थांबवावी, यांसह विविध मागण्यांसाठी रविवारी राहुरी येथील कृषी उत्पन्न बाजार समितीसमोर रास्ता रोको आंदोलन करण्यात आले. या आंदोलनाच्या माध्यमातून ऊस उत्पादक शेतकऱ्यांनी आपल्या प्रलंबित प्रश्नांकडे सरकार आणि साखर कारखानदारांचे लक्ष वेधण्याचा प्रयत्न केला. ऊस उत्पादनासाठी वाढलेला खर्च, शेतीसाठी लागणाऱ्या निविष्ठांच्या वाढलेल्या किमती आणि शेतीतील अनिश्चितता यामुळे शेतकरी आर्थिक अडचणींचा सामना करीत आहेत. या पार्श्वभूमीवर उसाला योग्य भाव मिळावा आणि शेतकऱ्यांच्या कष्टाला न्याय मिळावा, या मागणीसाठी आंदोलनाचे आयोजन करण्यात आले होते. ऊस उत्पादक शेतकऱ्यांना प्रतिटन ५ हजार रुपये पहिली उचल देण्यात यावी, ही आंदोलनातील प्रमुख मागणी होती. त्याचबरोबर साखरेची किमान विक्री किंमत (एमएसपी) प्रतिकिलो ५० रुपये करण्यात यावी, इथेनॉलचा दर प्रतिलिटर ७० रुपये निश्चित करण्यात यावा आणि कारखान...

त्या चार पोलीस कर्मचाऱ्यांचे निलंबन मागे  अहिल्यानगर  - जिल्हा पोलीस दलातील निलंबित करण्यात आलेल्या चार पोलीस कर्मचाऱ्यांना  निलंबनातून मुक्त करून पुन्हा सेवेत रुजू करण्याचे आदेश पोलीस अधीक्षक मुम्मका सुदर्शन यांनी जारी केले आहेत. संबंधितांच्या प्रकरणाचे पुनर्विलोकन करण्यात येऊन हा निर्णय घेण्यात आला आहे. निलंबनातून मुक्त करण्यात आलेल्या या अधिकारी-अंमलदारांची संगमनेर शहर, कर्जत, शिर्डी शहर वाहतूक शाखा आणि अकोले पोलीस ठाणे येथे नियुक्ती करण्यात आली आहे. या आदेशानुसार, पोलीस उपनिरीक्षक हर्षवर्धन बहीर यांना २७ जून रोजी निलंबित करण्यात आले होते. त्यांना आता निलंबनातून मुक्त करून संगमनेर शहर पोलीस ठाण्यात नियुक्त करण्यात आले आहे. पोलीस उपनिरीक्षक रवींद्र बागूल यांना २३ जून रोजी निलंबित करण्यात आले होते. त्यांची कर्जत पोलीस ठाण्यात नियुक्ती करण्यात आली आहे. अंमलदार बाळासाहेब राठोड यांना १९ जुलै रोजी निलंबित करण्यात आले होते. त्यांना निलंबनातून मुक्त केल्यानंतर शिर्डी शहर वाहतूक शाखेत नियुक्त करण्यात आले आहे. तसेच, पोलीस अंमलदार शंकर चौधरी यांना १३ जुलै रोजी निलंबित...