GHADGE NEWS

अशोक ही फसली  ठेवीदार चिंतेत? राजरंग | शिवाजी घाडगे ‘काय माजी आमदार भानुदास मुरकुटे , तुम्हीही फसलात राव?’ हा प्रश्न ऐकायला कदाचित टोमणा वाटेल; पण अशोक सहकारी बँकेवर रिझर्व्ह बँकेने निर्बंध लावल्यानंतर आज अनेक ठेवीदारांच्या मनात असाच प्रश्न निर्माण झाला असेल. वर्षानुवर्षे विश्वासाने बँकेत पैसे ठेवणाऱ्या सामान्य माणसाला आज आपल्या पैशांचे काय होणार, हा प्रश्न सतावत आहे. हा प्रश्न केवळ भानुदास मुरकुटे यांच्यापुरता नाही, तर सहकाराच्या नावाने उभ्या राहिलेल्या संपूर्ण व्यवस्थेच्या विश्वासार्हतेचा आहे. विधान संभेच्या वेळी ही तुम्हाला तुरुंगात डामले व आता जिल्हा बॅकेच्या निवडणुक तोडावर तुमच्या अशोक बॅकेवर निर्बंध लादल्याने तुम्हाला जाणुन बुजून त्रास दिला जातोय का येथे देखील शंकेला वाव  अशोक सहकारी बँकेवर रिझर्व्ह बँकेने निर्बंध लावले. बँकेच्या कारभारात सुधारणा करण्यासाठी सहा महिन्यांचा कालावधी देण्यात आला आहे. निर्बंध आले म्हणजे बँक संपली, बंद पडली किंवा ठेवीदारांचे सर्व पैसे बुडाले, असा त्याचा थेट अर्थ होत नाही. मात्र बँकेच्या आर्थिक आरोग्याबाबत गंभीर प्रश्न निर्माण झाले ...

अशोकचे ठेवीदार करताहेत शोक; संकट बँकेवर की व्यवस्थापनावर? भाष्य।शिवाजी घाडगे  सहकारी बँक म्हणजे केवळ इमारत, काऊंटर, संगणक आणि व्यवहारांची यंत्रणा नव्हे. ती हजारो सामान्य नागरिकांच्या कष्टाच्या पैशावर उभी असलेली विश्वासाची संस्था असते. त्यामुळे एखाद्या सहकारी बँकेवर भारतीय रिझर्व्ह बँकेकडून निर्बंध लादले जातात, तेव्हा त्याचा धक्का केवळ बँकेच्या व्यवस्थापनाला बसत नाही; त्या धक्क्याची सर्वाधिक झळ ठेवीदारांना बसते. श्रीरामपूर मुख्यालय असलेल्या अशोक सहकारी बँकेवर आरबीआयने घातलेले निर्बंध त्यामुळेच गंभीरपणे पाहण्याची गरज आहे. ‘अशोकचे ठेवीदार करताहेत शोक’ हा शब्दप्रयोग कदाचित भावनिक वाटेल; परंतु सध्या ठेवीदारांच्या मनात निर्माण झालेली अस्वस्थता आणि अनिश्चितता दुर्लक्षित करता येणार नाही. बचत खात्यात, चालू खात्यात किंवा मुदत ठेवीत ठेवलेला पैसा हा बहुतांश सामान्य नागरिकांच्या आयुष्यभराच्या कष्टाचा असतो. तो पैसा अचानक वापरता येणार नाही, अशी परिस्थिती निर्माण झाली की चिंता होणे स्वाभाविक आहे. आरबीआयने सहा महिन्यांसाठी निर्बंध लादले आहेत. नवीन कर्जवाटप, कर्जाचे नूतनीकरण, नवीन गुंतवण...

उपमुख्यमंत्री शिंदेंचे हात बांधले! राजरंग । शिवाजी घाडगे  ‘उपमुख्यमंत्री एकनाथ शिंदे यांचे हात बांधले आहेत’ असे म्हटले तर महाराष्ट्राच्या राजकारणात क्षणभर खळबळ उडू शकते. विरोधकांना त्यात राजकीय अर्थ दिसेल, समर्थकांना टोला वाटेल आणि सर्वसामान्यांना नेमके काय झाले, असा प्रश्न पडेल. पण यावेळी गोष्ट वेगळी आहे. शिंदेंचे हात खरोखरच बांधले गेले आहेत; मात्र ते कोणत्याही राजकीय विरोधकाने नव्हे, तर बहिणीच्या प्रेमाच्या राख्यांनी! रक्षाबंधनाच्या निमित्ताने आयोजित करण्यात आलेल्या कार्यक्रमात शिवसेना नेत्या दीपाळी सय्यद यांच्या पुढाकाराने महिला शिवसेना आघाडीच्या वतीने उपमुख्यमंत्री एकनाथ शिंदे यांना राख्या बांधण्यात आल्या. महिला कार्यकर्त्यांनी बांधलेल्या असंख्य राख्यांमुळे शिंदेंचे दोन्ही हात अक्षरशः भरून गेले. राजकीय धावपळ, बैठका, दौरे, उद्घाटने आणि सत्तेच्या जबाबदाऱ्यांमध्ये रमलेल्या नेत्याच्या हातावर एकाच वेळी एवढ्या राख्या दिसणे हा निश्चितच भावनिक क्षण होता. पण राजकारणात एखादे छायाचित्रही कधी कधी हजार शब्द बोलून जाते. शिंदेंच्या राख्यांनी भरलेल्या हातांचे छायाचित्र पाहताना अनेक...

खाकीतील विश्वासाचे प्रतीक नितीन बगाटे यांचा देशातील उत्कृष्ट पोलीस प्रमुखांच्या यादीत समावेश भाष्य।शिवाजी घाडगे  सामान्य शेतकरी कुटुंबातून आलेल्या आणि प्रतिकूल परिस्थितीवर मात करत भारतीय पोलीस सेवेत (आयपीएस) उल्लेखनीय स्थान निर्माण करणारे रत्नागिरीचे जिल्हा पोलीस अधीक्षक नितीन दत्तात्रय बगाटे यांच्या कार्याची राष्ट्रीय पातळीवर दखल घेण्यात आली आहे. ‘फेम इंडिया’ आणि ‘एशिया पोस्ट’ यांच्या संयुक्त अभ्यासातून जाहीर करण्यात आलेल्या देशातील उत्कृष्ट पोलीस प्रमुखांच्या यादीत नितीन बगाटे यांचा समावेश झाला आहे. महाराष्ट्रातून या यादीत स्थान मिळविणाऱ्या मोजक्या अधिकाऱ्यांमध्ये त्यांचा समावेश असल्याने महाराष्ट्रातील पोलीस दलासाठी ही अभिमानाची बाब मानली जात आहे. नितीन बागाटे सध्या रत्नागिरी जिल्ह्याचे पोलीस अधीक्षक म्हणून कार्यरत असून, मे २०२५ पासून त्यांनी या पदाची जबाबदारी सांभाळली आहे. पदभार स्वीकारल्यानंतर पारंपरिक पोलिसिंगबरोबरच आधुनिक तंत्रज्ञान, जलद प्रतिसाद यंत्रणा, गुन्हे तपासातील विश्लेषणात्मक पद्धती आणि ज्येष्ठ नागरिकांच्या सुरक्षेला त्यांनी विशेष प्राधान्य दिले आहे. सामा...

चिंचविहिरे येथे ज्ञानेश्वरी पारायण व अखंड हरिनाम सप्ताहाचे आयोजन  घाडगे न्यूज। प्रतिनिधी चिंचविहिरे गावचे ग्रामदैवत श्री लक्ष्मीनारायण देवता यांच्या कृपाशीर्वादाने गावात भक्ती, अध्यात्म आणि संस्कारांचा जागर घडविणाऱ्या ग्रंथराज ज्ञानेश्वरी पारायण सोहळा व अखंड हरिनाम सप्ताहाचा शनिवारी भक्तिमय वातावरणात सुरु होत असून. या सप्ताहाच्या निमित्ताने चिंचविहिरेसह पंचक्रोशीतील भाविकांना अध्यात्मिक पर्वणी लाभणार असून, संपूर्ण गाव व परिस्थितीत गावे हरिनामाच्या गजराने आणि ज्ञानेश्वरीच्या पवित्र वाचनाने दुमदुमून जाणार आहे. सप्ताहाच्या शुभारंभानिमित्त शनिवारी सकाळी ११ वाजता श्री लक्ष्मीनारायण मंदिरात विशेष धार्मिक कार्यक्रमाचे आयोजन करण्यात आले आहे. वेदशास्त्रसंपन्न गुरुवर्य प्रवीण नवले गुरुजी यांच्या मंत्रोच्चार आणि विधिवत पूजाविधीने श्री लक्ष्मीनारायण भगवंतांचा अभिषेक करण्यात येणार आहे. विविध धार्मिक विधी आणि मंत्रोपचारांनी अभिषेक सोहळा पार पडल्यानंतर श्री ग्रंथराज ज्ञानेश्वरी पारायणासह अखंड हरिनाम सप्ताहाचा  प्रारंभ होणार आहे. ज्ञानेश्वरी पारायणाची आध्यात्मिक परंपरा संतश्रेष्ठ ...

दिवसाढवळ्या बाप-लेकावर बिबट्याची झडप; प्रसंगावधानामुळे थोडक्यात बचाव मांजरीत  थरारक घटना; दोघे जखमी घाडगे न्यूज। प्रतिनिधी राहुरी तालुक्यातील मांजरी येथील मळहद वस्ती परिसरात गुरुवारी  शेतात काम करण्यासाठी गेलेल्या बाप-लेकावर बिबट्याने अचानक हल्ला केल्याची थरारक घटना घडली. ऊसाच्या फडात पाणी भरण्यासाठी गेलेले भीमराज सखाराम विटनोर (वय ४८) आणि त्यांचा मुलगा दिगंबर विटनोर (वय १७) यांच्यावर बिबट्याने झडप घातली. वडिलांवरील हल्ला पाहून दिगंबरने प्रसंगावधान राखत बिबट्यावर दगडफेक केली. त्यामुळे बिबट्याने भीमराज यांना सोडून दिगंबरकडे धाव घेतली. मुलाला वाचविण्यासाठी भीमराज यांनी मोठमोठ्याने आरडाओरड केली. त्यांचा आवाज ऐकून परिसरातील शेतकरी घटनास्थळी धावून आल्याने बाप-लेकाची बिबट्याच्या तावडीतून सुटका झाली. या हल्ल्यात दोघेही जखमी झाले असून, त्यांच्यावर अहिल्यानगर येथील सिव्हिल हॉस्पिटलमध्ये उपचार सुरू आहेत. भीमराज विटनोर हे गुरुवारी सकाळी मुलगा दिगंबर याच्यासोबत ऊसाच्या फडात पाणी भरण्यासाठी गेले होते. ऊस दाट असल्याने बिबट्या कुठे लपून बसला आहे, याचा अंदाज त्यांना आला नाही. दोघे...

शनिदेव ही विश्वाची न्यायदेवता : अनुराधा पौडवाल रक्षाबंधनानिमित्त  शनिदर्शन; शनिदेव आणि स्व. बाबुराव बानकर यांना राखी अर्पण घाडगे न्यूज। प्रतिनिधी प्रसिद्ध ज्येष्ठ पार्श्वगायिका अनुराधा पौडवाल यांनी रक्षाबंधनाच्या पूर्वसंध्येला शनिशिंगणापूर येथे  शनिदेवाचे भक्तिभावाने दर्शन घेतले. रक्षाबंधन हा केवळ भाऊ-बहिणीच्या प्रेमाचा सण नसून, आपुलकी, ऋणानुबंध आणि भावनिक नात्यांची जपणूक करणारा सण आहे. याच भावनेतून अनुराधा पौडवाल दरवर्षी शनिशिंगणापूरला येतात. यावेळी त्यांनी शनिदेवाला तसेच आपल्या जीवनात मोलाचे स्थान असलेल्या स्व. बाबुराव बानकर यांना राखी अर्पण करून आपल्या भावनिक नात्याला उजाळा दिला. शनिशिंगणापूर येथे आगमन झाल्यानंतर अनुराधा पौडवाल यांनी उदासी महाराज मठात पुरोहितांच्या हस्ते शनिदेवाला तैलाभिषेक केला. त्यानंतर शनी चौथऱ्याखालून देवाचे औक्षण करून त्यांनी शनिदेवाला राखी अर्पण केली. तसेच पाच ग्रॅम वजनाची सोन्याची साखळीही शनिदेवाला अर्पण करण्यात आली. यावेळी त्यांच्या समवेत अॅड. आश्लेषा गोवारीकर उपस्थित होत्या. अनुराधा पौडवाल यांचे शनिदेवाशी असलेले नाते केवळ श्रद्धेपुरते म...

कबाडींची शिर्डी बदलीला आव्हान देणारी याचिका मॅटने फेटाळली घाडगे न्यूज। प्रतिनिधी अहिल्यानगर स्थानिक गुन्हे अन्वेषण विभागाचे तत्कालीन पोलीस निरीक्षक किरणकुमार कबाडी यांची शिर्डी येथे करण्यात आलेली बदली रद्द करावी, या मागणीसाठी त्यांनी महाराष्ट्र प्रशासकीय न्यायाधिकरणाकडे (मॅट) दाखल केलेली याचिका फेटाळण्यात आली आहे. अमली पदार्थांच्या प्रकरणाच्या पार्श्वभूमीवर प्रशासनाने केलेली बदली ही नियमबाह्य नसून प्रशासकीय कारणास्तव करण्यात आलेली असल्याचे स्पष्ट करत मॅटने कबाडी यांना दिलासा देण्यास नकार दिला. अहिल्यानगर स्थानिक गुन्हे अन्वेषण विभागात कार्यरत असताना अमली पदार्थांशी संबंधित प्रकरणावरून पोलीस विभागात मोठी चर्चा निर्माण झाली होती. या प्रकरणाच्या पार्श्वभूमीवर कबाडी यांची शिर्डी येथे बदली करण्यात आली. या बदलीच्या आदेशाला त्यांनी मॅटमध्ये आव्हान दिले होते. बदली करताना प्रशासकीय नियमांचे पालन झाले नसल्याचा तसेच आपल्यावर अन्याय झाल्याचा दावा याचिकेत करण्यात आल्याचे समजते. मात्र, प्रकरणातील उपलब्ध कागदपत्रे, प्रशासनाची बाजू आणि बदलीमागील परिस्थितीचा विचार केल्यानंतर मॅटने ही बदली य...

साहित्य, संस्कृतीच्या वारशाने सहकाराची चळवळ समृद्ध बनवू : उपमुख्यमंत्री सुनेत्रा पवार घाडगे न्यूज। प्रतिनिधी अहिल्यानगर जिल्हा हा महाराष्ट्रातील सहकार चळवळीचे प्रेरणास्थान असून, ग्रामविकासाचा आदर्श नमुना म्हणून ‘प्रवरा मॉडेल’ची देशभरात ओळख निर्माण झाली आहे. सहकाराच्या माध्यमातून सामान्य माणसाला आर्थिक, सामाजिक आणि शैक्षणिकदृष्ट्या सक्षम करण्याचे ऐतिहासिक कार्य सहकारमहर्षी पद्मश्री डॉ. विठ्ठलराव विखे-पाटील यांनी केले. त्यांनी उभा केलेला हा विचार आणि वारसा पुढे नेत सहकार चळवळीला साहित्य, कला आणि संस्कृतीची जोड देऊन ती अधिक समृद्ध करण्याची गरज आहे, असे प्रतिपादन राज्याच्या उपमुख्यमंत्री सुनेत्रा पवार यांनी गुरुवारी केले. प्रवरानगर येथील धनंजय गाडगीळ सभागृहात पद्मश्री डॉ. विठ्ठलराव विखे-पाटील यांच्या १२६व्या जयंतीनिमित्त राज्यस्तरीय साहित्य, कलागौरव, प्रबोधन आणि जीवनगौरव पुरस्कार वितरण सोहळा आयोजित करण्यात आला होता. या कार्यक्रमात त्या बोलत होत्या. यावेळी राज्याचे जलसंपदामंत्री तथा अहिल्यानगर जिल्ह्याचे पालकमंत्री डॉ. राधाकृष्ण विखे-पाटील, माजी मंत्री अण्णासाहेब म्हस्के-पाटील, ...

ध्येयाची नशा आणि साहित्याची वाट : ‘चला गाठू या लक्ष्य’ भाष्य।शिवाजी घाडगे  आजच्या तरुणाईसमोर संधींची कमतरता नाही; कमतरता आहे ती योग्य दिशा, सातत्य आणि ध्येयावर विश्वास ठेवण्याची. मोबाईलच्या पडद्यावर क्षणाक्षणाला बदलणारे जग, सोशल मीडियावरील आभासी यश, झटपट प्रसिद्धीची अपेक्षा आणि अपयश सहन करण्याची कमी होत चाललेली मानसिकता यामुळे अनेक युवक संभ्रमित झालेले दिसतात. अशा काळात एखादा पोलीस अधिकारी आपल्या संघर्षमय जीवनप्रवासातून तरुणाईला ध्येयाची दिशा देण्यासाठी पुस्तक लिहितो, ही निश्चितच स्वागतार्ह बाब आहे. श्रीरामपूर येथे सहाय्यक पोलीस निरीक्षक म्हणून कर्तव्य बजावणारे चेतन लोखंडे यांनी लिहिलेले ‘चला गाठू या लक्ष्य’ हे पुस्तक याच दृष्टीने महत्त्वाचे ठरते. पोलीस दलातील कर्तव्य, कायदा-सुव्यवस्थेची जबाबदारी आणि सततचे काम यामधून वेळ काढून साहित्याची वाट धरताना लोखंडे यांनी आपल्या वैयक्तिक अनुभवांना सामाजिक उपयोगाची दिशा दिली आहे. एकीकडे समाजाला व्यसनमुक्त करण्यासाठी जनजागृती केली जात असताना दुसरीकडे तरुणाईने ज्ञानाची, साहित्याची आणि ध्येयाची नशा करावी, असा संदेश एखादा पोलीस अधिकारी...

सत्तेच्या सावलीतून व्यवसायाच्या प्रकाशझोतात त्यांची चाॅइस द नाईन्स  भाष्य।शिवाजी घाडगे  सार्वजनिक जीवनात काम करणाऱ्या व्यक्तीने व्यवसाय करणे हा काही गुन्हा नाही. उलट, राजकारणाबरोबर उद्योग-व्यवसाय उभारणे आणि स्वतःच्या पायावर उभे राहणे ही स्वागतार्ह बाब आहे. मात्र, जेव्हा एखादी व्यक्ती घटनात्मक स्वरूपाची महत्त्वाची जबाबदारी सांभाळून सार्वजनिक जीवनात मोठी ओळख निर्माण करते आणि त्यानंतर अचानक कोट्यवधींच्या गुंतवणुकीच्या व्यवसायामुळे चर्चेत येते, तेव्हा जनतेच्या मनात प्रश्न निर्माण होणे स्वाभाविक आहे. या प्रश्नांना ‘राजकीय सूड’ म्हणून झटकून न टाकता त्यांची उत्तरे पारदर्शकपणे देणे हीच लोकशाहीची खरी कसोटी आहे. राज्य महिला आयोगाच्या माजी अध्यक्षा आणि राष्ट्रवादी काँग्रेसच्या माजी महिला प्रदेशाध्यक्ष रुपाली चाकणकर पुन्हा एकदा चर्चेच्या केंद्रस्थानी आल्या आहेत. यावेळी त्यांच्या राजकीय भूमिकेमुळे नव्हे, तर पुण्यातील कल्याणीनगर परिसरात सुरू करण्यात आलेल्या नव्या हॉटेल व्यवसायामुळे राजकीय वर्तुळात तसेच सोशल मीडियावर विविध चर्चा रंगल्या आहेत. रुपाली चाकणकर यांनी पुण्यात ‘द नाईन्स...

 पोलीस दलातील दोन महिला पोलिस कर्मचारी करणार एकमेकींसोबत लग्न  भाष्य।शिवाजी घाडगे  पिंपरी-चिंचवड पोलीस आयुक्तालयाच्या हद्दीतील एकाच पोलीस ठाण्यात कार्यरत असलेल्या दोन महिला पोलिस कर्मचारी  विवाह बंधनात अडकणार असून दोघींनी   एकमेकींसोबत लग्न करण्याचा निर्णय घेतला आहे. येत्या ३० ऑगस्ट २०२६ रोजी  आळंदी येथे वैदिक पद्धतीने हा विवाह सोहळा पार पडणार आहे. या विवाहासाठी दोन्ही महिला पोलिसांनी आपल्या वरिष्ठ अधिकाऱ्यांकडे रजेचे अर्ज देखील सादर केला असून, त्यासोबत विवाहाची निमंत्रण पत्रिकाही जोडली आहे. पोलीस दलातील दोन महिला कर्मचाऱ्यांनी घेतलेल्या या निर्णयाची सध्या पोलीस दलासह सामाजिक वर्तुळात मोठी चर्चा सुरू आहे. तर खाकीत एवढेच पाहायचे बाकी होते याची चर्चा आहे.  विवाह म्हटला की आपल्या समाजाच्या डोळ्यांसमोर पारंपरिक पद्धतीने स्त्री आणि पुरुष यांचे नाते उभे राहते. मात्र, काळ बदलत आहे तसे व्यक्तीच्या वैयक्तिक आयुष्याकडे पाहण्याचा समाजाचा दृष्टिकोनही हळूहळू बदलत आहे. आपला जीवनसाथी निवडण्याचा अधिकार, परस्पर संमती, भावनिक जुळवून घेणे आणि आयुष्य एकत्...