देवळाली प्रवरात मुलीनी सादर केले लाठी काठी प्रात्यक्षिके

देवळाली प्रवरा येथे मुलींनी सादर केले लाठी-काठीचे प्रभावी प्रात्यक्षिक

घाडगे न्यूज।प्रतिनिधी 

देवळाली प्रवरा 

शहरात बुधवारी सायंकाळी आयोजित करण्यात आलेल्या भव्य हिंदू संमेलनादरम्यान मुलींनी लाठी-काठीचे नेत्रदीपक आणि धाडसी प्रात्यक्षिक सादर करून उपस्थितांची मने जिंकली. दीडशे हुन अधिक मुली यात सहभागी झाल्या होत्या. 

विशेष म्हणजे या प्रात्यक्षिकात सहभागी झालेल्या सर्व मुली या शहरातीलच असून, त्यांच्या आत्मविश्वासपूर्ण सादरीकरणाने कार्यक्रमाला विशेष आकर्षण प्राप्त झाले.

नगराध्यक्ष सत्यजित कदम यांच्या पत्नी यांच्या पुढाकारातून हा उपक्रम राबविण्यात आला. शहरात निघालेल्या मिरवणुकीदरम्यान नागरिकांना या मनमोहक प्रात्यक्षिकाचा अनुभव घेता आला. मुलींच्या शिस्तबद्ध हालचाली, समन्वय आणि धाडस यामुळे उपस्थितांकडून त्यांचे जोरदार कौतुक करण्यात आले.

आजच्या काळात मुलींना स्वसंरक्षणाचे प्रशिक्षण अत्यंत गरजेचे बनले आहे. सार्वजनिक ठिकाणी वावरताना अशा प्रकारच्या कौशल्यांचा निश्चितच उपयोग होऊ शकतो. लाठी-काठीच्या सरावामुळे मुलींची एकाग्रता, शारीरिक तंदुरुस्ती आणि मानसिक धैर्य वाढण्यास मदत होते, असे मत उपस्थित मान्यवरांनी व्यक्त केले.

एकीकडे मुलींना आधुनिक शिक्षणासाठी इंग्रजी शाळांकडे वळण्याचे प्रमाण वाढत असले, तरी पारंपरिक खेळ व प्रशिक्षण पद्धतींचे महत्त्वही तितकेच असल्याचे या उपक्रमातून अधोरेखित झाले. लाठी-काठीसारख्या पारंपरिक कलेच्या माध्यमातून मुलींमध्ये आत्मविश्वास आणि स्वसंरक्षणाची जाणीव निर्माण होत असल्याचेही यावेळी स्पष्ट झाले.

मुलीच्या हातात इरवी मोबाईल दिसतो आज मात्र काठी होती आणि ती ही हवेत फिरत होती अतिशय आत्मविश्वास व धाडसाने मुली काठी कसरत सादरीकरण केले