डोक्यावर छत्री पदाला कात्री

डोक्यावर छत्री, पदाला कात्री  जबाबदारीची वेळ आता!

श्रध्देचा बाजार।शिवाजी घाडगे 

नाशिकमधील कथित ‘भोगू बाबा’ अशोक खरात प्रकरणाने राज्यभरात खळबळ उडवली आहे. अंधश्रद्धा, सत्तेची जवळीक आणि संस्थात्मक विश्वासार्हता यांचा धोकादायक संगम या प्रकरणातून पुन्हा एकदा समोर आला आहे. महिला आयोगाच्या अध्यक्षा रुपाली चाकणकर यांनी दिलेला राजीनामा हा केवळ एक वैयक्तिक निर्णय नसून, तो सार्वजनिक जीवनातील नैतिक जबाबदारीचा मुद्दा ठरतो.

अशोक खरात याच्यासोबतचे फोटो, त्याच्या ट्रस्टशी असलेले संबंध आणि त्याला मिळालेला अप्रत्यक्ष आधार—या सर्व बाबी गंभीर आहेत. महिला हक्कांचे रक्षण करणाऱ्या संस्थेच्या प्रमुख व्यक्तीवरच अशा प्रकारचे प्रश्नचिन्ह निर्माण होणे, ही बाब अत्यंत चिंताजनक आहे. त्यामुळेच चाकणकर यांचा राजीनामा हा उशिरा का होईना, पण योग्य दिशेने उचललेले पाऊल म्हणावे लागेल.

या प्रकरणात केवळ एक व्यक्ती किंवा एक संस्था जबाबदार नाही. अनेक राजकीय आणि सामाजिक स्तरांवर अशा भोंदू प्रवृत्तींना खतपाणी घालणारे वातावरण तयार झाले आहे. काही नेत्यांची छायाचित्रे समोर आली असली, तरी त्यांनी घेतलेली ‘मी नाही त्यातली’ ही भूमिका जनतेच्या शंका अधिकच वाढवणारी आहे. सार्वजनिक जीवनात असणाऱ्यांनी केवळ नाकारण्यापेक्षा स्पष्ट आणि पारदर्शक भूमिका घेणे गरजेचे आहे.

अशोक खरात याच्यावर श्रद्धेचा गैरफायदा घेत महिलांवर अत्याचार केल्याचे आरोप आहेत. याहून गंभीर बाब म्हणजे, या सर्व प्रकारांना सामाजिक मान्यता मिळाल्यासारखी परिस्थिती निर्माण झाली होती. समाजातील अंधश्रद्धा आणि आंधळा विश्वास यामुळेच अशा व्यक्तींना वाढण्याची संधी मिळते. त्यामुळे हा केवळ गुन्हेगारीचा नाही, तर सामाजिक मानसिकतेचा प्रश्न आहे.

तपास यंत्रणांनी जप्त केलेल्या शेकडो व्हिडिओ क्लिप्स, प्रचंड संपत्ती आणि त्याचा विलासी जीवनशैली—हे सर्व पाहता या प्रकरणाची व्याप्ती मोठी असल्याचे स्पष्ट होते. त्यामुळे या प्रकरणाचा तपास केवळ व्यक्तीपुरता मर्यादित न राहता, त्यामागील संपूर्ण जाळे उघड करण्याची गरज आहे.

आता अपेक्षा एकच—तपास निष्पक्ष, वेगवान आणि सखोल व्हावा. दोषींना कठोर शिक्षा मिळावी आणि अशा प्रकारांना राजकीय वा सामाजिक संरक्षण मिळणार नाही, याचा ठोस संदेश जावा. तसेच, समाजानेही अंधश्रद्धेपासून दूर राहून विवेकबुद्धीने निर्णय घेण्याची गरज आहे.

‘डोक्यावर छत्री’ धरून संरक्षण देण्याची वेळ संपली आहे; आता सत्याच्या बाजूने उभे राहून जबाबदारी स्वीकारण्याची वेळ आली आहे.

डाॅक्टर बाबासाहेब आंबेडकर यांच्या सधिधानाचा आधार घेत टाळ्या मिळवयाच्या आपण मात्र  भोगू वर छत्री धरायची तेव्हा पदावर कात्री येणारच तशी व्यक्तीची बोलणे अण कृती एक असावी 

दादा गेल्यावर जपून वावर करा कारण तेव्हा आपला पावर चालत होता रुपाली चाकणकर यांनी मुख्यमंत्र्याच्या आदेशाने राजीनामा दिला आहे आता अण्य फोटोतील सेवेकरी केल्श करून तोड झोडून घेत आहेत 

आता महिला आयोगाच्या अध्यक्षा आमदार चित्रा वाघ होणार की अण्य कोण हे लवकरच कळेल