लोणीत जलसंपदा चा खेळ रंगणार

लोणीत जलसंपदा खेळ रंगणार 

घाडगे न्यूज।प्रतिनिधी 

जलसंपदा विभागाच्या वतीने

शनिवारी ७ ते ९ फेब्रुवारी दरम्यान लोणी  क्रीडामय होणार आहे. निमित्त मात्र  पाचव्या राज्यस्तरीय क्रीडा व सांस्कृतिक स्पर्धांचे  खेळात सशक्त, सेवेत समर्थ  हे ब्रीदवाक्य घेऊन होणाऱ्या या स्पर्धेत राज्यभरातील अधिकारी व कर्मचारी खेळाच्या मैदानात आपले कसब पणाला लावणार आहेत.

दरवर्षी होणाऱ्या  यजमानपद यंदा अहिल्यानगर जिल्ह्याकडे आले असून, गोदावरी पाटबंधारे विकास महामंडळाने स्पर्धेची  तयारी केली आहे.

दिमाखदार उद्घाटन सोहळा

स्पर्धेचे रणशिंग शनिवारी  सकाळी ९ वाजता फुंकले जाईल. लोणी येथील पद्मश्री डॉ. विठ्ठलराव विखे पाटील महाविद्यालयाच्या क्रिंडागणावर दिमाखदार उद्घाटन सोहळा पार पडेल. या वेळी अर्जुन पुरस्कार विजेते व भारतीय कबड्डी संघाचे माजी कर्णधार पंकज शिरसाठ, शिवछत्रपती पुरस्कार विजेती खो-खो पटू श्वेता गवळी व बेसबॉल पटू अक्षय आव्हाड खेळाडूंचा उत्साह वाढवण्यासाठी हजेरी लावतील. 

​राज्याचे जलसंपदा मंत्री (गोदावरी व कृष्णा खोरे विकास महामंडळ) तथा जिल्ह्याचे पालकमंत्री राधाकृष्ण विखे पाटील या सोहळ्याच्या अध्यक्षस्थ भुषवणार आहेत  प्रमुख अतिथी म्हणून जलसंपदा (विदर्भ, तापी,कोकण खोरे विकास महामंडळ) तथा आपत्ती व्यवस्थापन मंत्री गिरीष महाजन उपस्थित राहणार आहेत. यावेळी विभागाचे अपर मुख्य सचिव दीपक कपूर, सचिव डॉ. संजय बेलसरे आदी उपस्थित राहणार आहेत.

तीन दिवस चालणाऱ्या या क्रीडा महोत्सवात क्रिकेट, कबड्डी, व्हॉलीबॉल, टेबल टेनिस, बुद्धीबळ, कॅरम, अॅथलेटिक्स आणि जलतरण अशा विविध क्रीडा प्रकारांचा थरार अनुभवायला मिळेल. मंत्रालयीन कर्मचाऱ्यांपासून ते विविध महामंडळातील अधिकारी या स्पर्धेत सहभागी होत आहेत. लोणीतील विखे पाटील महाविद्यालय आणि सैनिकी स्कूलच्या भव्य मैदानांवर हे सामने खेळवले जातील.

​

स्पर्धेचा पारितोषिक वितरण व  समारोप सोहळा ९ फेब्रुवारीला शिर्डीच्या शासकीय प्रशिक्षण संस्थेत होईल. या कार्यक्रमासाठी नामवंत धनुर्विद्या प्रशिक्षक डॉ. शुभांगी दळवी, वेटलिफ्टर कोमल वाकळे व सॉफ्टबॉल पटू फिजा सय्यद यांची विशेष उपस्थिती असेल.

​स्पर्धेच्या यशस्वी नियोजनासाठी जलसंपदा विभागाने विविध समित्या स्थापन केल्या असून, प्रवरा ग्रामीण शिक्षण संस्थेच्या क्रीडा विभागानेही मोलाचे सहकार्य केले आहे. आता सर्वांना प्रतीक्षा आहे ती मैदानावरील शिट्टी वाजण्याची !