आजी माजी खासदार प्रचारात सक्रिय राजकारणात तापले
आजी-माजी खासदार प्रचारात सक्रिय; राहुरीत राजकीय वातावरण तापले राजरंग।शिवाजी घाडगे राहुरी विधानसभा पोटनिवडणुकीच्या पार्श्वभूमीवर राजकीय वातावरण चांगलेच तापू लागले असून, आजी व माजी खासदारांनी प्रचारात सक्रिय सहभाग घेतल्याने निवडणूक अधिक रंगतदार बनली आहे. विद्यमान खासदार निलेश लंके हे राष्ट्रवादी काँग्रेस (शरद पवार गट) चे उमेदवार गोविंद मोकाटे यांच्या प्रचारासाठी मैदानात उतरले आहेत. तर माजी खासदार डॉ. सुजय विखे-पाटील हे भारतीय जनता पक्षाचे उमेदवार अक्षय कर्डीले यांच्या प्रचारार्थ जोरदार मोहीम राबवत आहेत. डॉ. सुजय विखे-पाटील यांनी कार्यकर्त्यांना मार्गदर्शन करताना निवडणुकीत कोणतीही गाफीलगिरी परवडणार नसल्याचे स्पष्ट केले. प्रत्येक कार्यकर्त्याने घरोघरी जाऊन मतदारांशी संपर्क साधावा आणि अक्षय कर्डीले यांना अधिकाधिक मतांनी विजयी करण्यासाठी प्रयत्न करावेत, असे त्यांनी आवाहन केले. तसेच तालुक्यातील विविध गावांमध्ये प्रचारसभांचे आयोजन करून मतदारांपर्यंत पक्षाची भूमिका पोहोचवली जात आहे. दरम्यान, राष्ट्रवादी काँग्रेसचे उमेदवार गोविंद मोकाटे यांच्या विजयाबाबत पक्षाच्या नेत्यांनी आशाव...