एलसीबी समोर विश्वासार्हतेचा संतोष कमी होईल का असंतोष
एलसीबीसमोरील विश्वासार्हतेचा संतोष कमी होईल का असतोष तरंग @शिवाजी घाडगे अहिल्यानगर स्थानिक गुन्हे शाखा (एलसीबी) ही जिल्ह्यातील गुन्हेगारीवर नियंत्रण ठेवणारी आणि संघटित गुन्ह्यांविरोधात कारवाई करणारी महत्त्वाची यंत्रणा मानली जाते. त्यामुळे या विभागाची प्रतिमा, कार्यक्षमता आणि विश्वासार्हता अबाधित राहणे अत्यंत आवश्यक असते. मात्र, गेल्या काही वर्षांत विविध वादग्रस्त घटनांमुळे एलसीबीबाबत जनमानसात प्रश्न निर्माण झाल्याचे दिसून आले आहे. अशा परिस्थितीत जिल्हा पोलीस अधीक्षक मुम्मका सुदर्शन यांनी पोलीस निरीक्षक संतोष मुटकुळे यांच्याकडे एलसीबीची धुरा सोपविली आहे. मुटकुळे यांनी यापूर्वी विविध पोलीस ठाण्यांमध्ये कार्यरत असताना कायदा व सुव्यवस्था राखण्याबरोबरच युवकांमधील व्यसनाधीनता, मोबाईलच्या अतिवापराचे दुष्परिणाम आणि सामाजिक जनजागृती यांसारख्या विषयांवर उल्लेखनीय काम केले आहे. त्यामुळे त्यांच्या नियुक्तीकडे आशावादी नजरेने पाहिले जात आहे. परंतु एलसीबीचे नेतृत्व स्वीकारणे आणि त्या विभागाची प्रतिमा उंचावणे या दोन वेगळ्या गोष्टी आहेत. नव्या अधिकाऱ्यासमोर सर्वात मोठे आव्हान म्ह...