कुंभ मेळ्या आगोदर विकास कामे पुर्ण करा-विभागीय आयुक्त प्रवीण गेडाम
कुंभमेळ्यापूर्वीच शिर्डीतील विकासकामे पूर्ण करा – विभागीय आयुक्त डॉ. प्रवीण गेडाम राहुरी । नाशिक–त्र्यंबकेश्वर कुंभमेळ्याच्या पार्श्वभूमीवर शिर्डी व शिंगणापूर येथे येणाऱ्या भाविकांच्या सोयीसाठी सुरू असलेली सर्व विकासकामे निर्धारित वेळेत पूर्ण होणे आवश्यक आहे. शिर्डी विमानतळाचे विस्तारीकरण तसेच रस्त्यांच्या कामांचा वेग वाढवून ती कुंभमेळ्यापूर्वीच पूर्ण करावीत. गर्दीचे नियोजन करताना प्रशासकीय सोयीपेक्षा भाविकांच्या सोयी-सुविधांना सर्वोच्च प्राधान्य द्यावे, अशा स्पष्ट सूचना नाशिक–त्र्यंबकेश्वर कुंभमेळा प्राधिकरणाचे अध्यक्ष तथा नाशिक विभागीय आयुक्त डॉ. प्रवीण गेडाम यांनी शुक्रवारी दिल्या. आगामी नाशिक–त्र्यंबकेश्वर कुंभमेळा (२०२६–२७) यांच्या अनुषंगाने शिर्डी–शिंगणापूर परिसरातील भाविकांच्या गर्दीच्या नियोजनाबाबत साईबाबा मंदिराच्या सभागृहात आयोजित आढावा बैठकीत ते बोलत होते. यावेळी कुंभमेळा आयुक्त शेखर सिंह, जिल्हाधिकारी डॉ. पंकज आशिया, जिल्हा परिषदेचे मुख्य कार्यकारी अधिकारी आनंद भंडारी, पोलीस अधीक्षक सोमनाथ घार्गे, साईबाबा संस्थानचे मुख्य कार्यकारी अधिकारी गोरक्ष गाडीलकर यांच्यास...