राहुरी तालुक्यातील ऊस दुसरीकडे जातोय वेदनादायक
ऊस दुसरीकडे जातोय, पण वेदना तनपुरे कारखान्याच्या गेटवरच आहेत! वेदना।शिवाजी घाडगे देवळाली प्रवरा परिसरातील रस्त्यावरून ऊसाने भरलेला ट्रॅक्टर दौंडच्या दिशेने जातो. ट्रॅक्टरवर ऊस आहे, चालकाच्या चेहऱ्यावर कष्ट आहेत; पण मनात मात्र एक वेगळीच खंत आहे. कारण हा ऊस परक्या कारखान्यात गाळपासाठी जात आहे. ज्या मातीत हा ऊस पिकला, त्या परिसरातील डॉ. तनपुरे सहकारी साखर कारखान्याच्या गेटवर हा ऊस का जाऊ शकत नाही? हा प्रश्न केवळ एका शेतकऱ्याचा नाही, तर संपूर्ण परिसराच्या मनातील प्रश्न आहे. गेल्या अनेक वर्षांपासून डॉ. तनपुरे सहकारी साखर कारखाना बंद आहे. परिणामी देवळाली प्रवरा आणि परिसरातील शेतकऱ्यांना आपला ऊस दूरवरच्या कारखान्यांकडे पाठवावा लागत आहे. गेल्या पाच वर्षांपासून दौंडच्या कारखान्यासाठी ऊस वाहतूक करणाऱ्या चालक ताराचंद यांच्या शब्दांतून या वेदनेची तीव्रता जाणवते—“आपला ऊस दुसरीकडे नेताना मनाला वेदना होतात.” ही केवळ भावनिक प्रतिक्रिया नाही. त्यामागे शेतकऱ्यांचे आर्थिक गणित आहे. ऊस वाहतुकीचा खर्च, ट्रॅक्टरचे भाडे, डिझेलचा वाढता खर्च, लांबच्या कारखान्यापर्यंतची वाहतूक आणि त्यात दुष्काळ...