मराठी माध्यम शाळेत गुणवत्ता नाही असा प्रचार कोण करतय
मराठी शाळांमध्ये गुणवत्ता नाही असा प्रचार कोण करतय तरंग।शिवाजी घाडगे राज्यात शिक्षणाच्या क्षेत्रात गेल्या काही वर्षांत एक वेगळेच चित्र निर्माण करण्यात आले आहे. मराठी माध्यमाच्या शाळांमध्ये गुणवत्ता नाही, म्हणून पालकांनी आपल्या मुलांना इंग्रजी माध्यमाच्या शाळांमध्येच प्रवेश द्यावा, असा एक अप्रत्यक्ष संदेश समाजात सातत्याने पसरवला जात आहे. परिणामी, मराठी माध्यमाच्या शाळांतील विद्यार्थीसंख्या वर्षागणिक घटत आहे. अनेक शाळा पटसंख्येअभावी बंद पडत आहेत, तर काही शाळांवर अस्तित्वाचा प्रश्न निर्माण झाला आहे. या संपूर्ण प्रक्रियेत एक अत्यंत महत्त्वाचा प्रश्न मात्र कोणीही विचारताना दिसत नाही—इंग्रजी माध्यम म्हणजेच गुणवत्ता, हे नेमके कोणत्या निकषांवर ठरवले गेले आहे? आज मराठी माध्यमाच्या शाळांच्या गुणवत्तेवर प्रश्न उपस्थित करणाऱ्यांची संख्या मोठी आहे. मात्र, त्याच वेळी इंग्रजी माध्यमाच्या हजारो शाळांची गुणवत्ता, त्यांचे अध्यापन, शिक्षकांची पात्रता, विद्यार्थ्यांची अध्ययन निष्पत्ती आणि शैक्षणिक दर्जा यांची वस्तुनिष्ठ तपासणी करण्याची मागणी फारशी कोणी करत नाही. हा दुहेरी निकष...