प्रभु रामाचा वनवास संपायला तयार नाही श्रध्देचा बाजार तेजीत
प्रभु रामाचा वनवास अजुन संपायला तयार नाही श्रध्देचा बाजार तेजीत भक्ती।शिवाजी घाडगे प्रभू श्रीरामांच्या जीवनाचा विचार केला तर त्यांचा संपूर्ण प्रवास संघर्ष, त्याग आणि कर्तव्यनिष्ठेचा होता. चौदा वर्षांचा वनवास भोगताना त्यांनी सीतेसह वनवासी जीवन स्वीकारले. अन्यायाविरुद्ध लढा देत धर्म आणि मर्यादेचे पालन केले. परंतु आजच्या काळात रामाच्या नावाने उभारलेल्या व्यवस्थांमध्ये जे काही घडताना दिसत आहे, ते पाहता रामाचा वनवास जणू अद्यापही संपलेला नाही, असेच वाटते. अयोध्येतील राममंदिर हे कोट्यवधी हिंदूंच्या श्रद्धेचे केंद्र आहे. मंदिर उभारणीसाठी अनेक वर्षे संघर्ष झाला. या आंदोलनात अनेक कारसेवकांनी आपले प्राण गमावले. लाखो भाविकांनी आर्थिक मदत केली. मात्र आता मंदिरातील दानपेटीत जमा होणाऱ्या रक्कमेच्या आणि सोन्याच्या व्यवहारांबाबत प्रश्न उपस्थित होत असल्याच्या चर्चा समोर येत आहेत. दानातून आलेल्या पैशांची मोजणी आणि बँकेत जमा करण्याचे काम खासगी संस्थांकडून करून घेतले जात असल्याने पारदर्शकतेबाबत शंका उपस्थित केल्या जात आहेत. या प्रकरणातील सत्य काय आहे, याचा निर्णय संबंधित यंत्रण...