खाकीला विश्वास मिळवावा लागेल
खाकीला विश्वास मिळवावा लागेल स्पेशल रिपोर्ट।शिवाजी घाडगे श्रीरामपूरातील तरुण उद्योजक आकाश दुबें यांच्या हत्येनंतर केवळ एका गुन्ह्याची चर्चा झाली नाही, तर संपूर्ण अहिल्यानगर जिल्ह्यातील कायदा व सुव्यवस्थेच्या प्रश्नावर नव्याने चर्चा सुरू झाली. सलग बंद, मोर्चे, निवेदने आणि नागरिकांचा संताप या सर्व घटनांमधून एकच संदेश समोर आला जनतेचा कायदा अंमलबजावणी यंत्रणेवरील विश्वास डळमळीत होत आहे. हा विश्वास परत मिळवणे ही आज पोलिस प्रशासनासमोरील सर्वात मोठी जबाबदारी आहे. याच पार्श्वभूमीवर प्रामाणिक पोलीस अधिकाऱ्यांना काम करणे कठीण झाल्याबाबतचा प्रसिद्ध झाल्यानंतर अनेक नागरिक, निवृत्त अधिकारी आणि काही विद्यमान पोलीस अधिकाऱ्यांनी संपर्क साधून जिल्ह्यातील वास्तव मांडण्याचा प्रयत्न केला. त्यातील काही आरोप गंभीर आहेत. ते सिद्ध झालेले नाहीत; त्यामुळे त्यांची निष्पक्ष चौकशी होणे आवश्यक आहे. मात्र हे आरोप मोठ्या प्रमाणावर व्यक्त होत असतील, तर त्याकडे केवळ अफवा म्हणून दुर्लक्ष करून चालणार नाही. कायद्याचे राज्य टिकवण्याची जबाबदारी पोलिस दलावर असते. गुन्हेगारांमध्ये का...