शहर विकासा साठी सर्वांचे सहकार्य हवे-नगराध्यक्ष सत्यजित कदम
शहर विकासासाठी सर्वांचे सहकार्य आवश्यक – नगराध्यक्ष सत्यजित कदम देवळाली प्रवरा । देवळाली प्रवरा नगरपालिकेचा नावलौकिक अधिक उंचावण्यासाठी नवनिर्वाचित नगरसेवक प्रामाणिकपणे प्रयत्न करतील, असा विश्वास नगराध्यक्ष सत्यजित कदम यांनी व्यक्त केला. पत्रकार स्नेह-सत्कार कार्यक्रमात ते बोलत होते. कार्यक्रमाच्या अध्यक्षस्थानी पत्रकार सुधाकर कराळे होते. नगराध्यक्ष कदम म्हणाले की, मागील जवळपास चार वर्षांपासून नगरपालिकेवर शासकीय प्रशासकीय मंडळ कार्यरत होते. यामुळे आरोग्य विभागातील ठेकेदार व कर्मचाऱ्यांचे तीन महिन्यांचे वेतन थकीत आहे. काही भागात स्वच्छतेचा प्रश्न निर्माण झाला असून सार्वजनिक शौचालयांचीही समस्या आहे. तसेच घरकुल योजना व पालिकेचा संथ झालेला विकास पुन्हा जोमाने मार्गी लावण्याचा प्रामाणिक प्रयत्न केला जाईल. वाड्या-वस्त्यांवर बिबट्याचा वावर वाढल्याने सुरक्षिततेच्या दृष्टीने सुमारे ५ हजार मर्क्युरी बल्ब बसवून परिसर प्रकाशमय करण्याचा मानस असल्याचे त्यांनी सांगितले. शहरातील रस्त्यांची अवस्था अत्यंत खराब झाली असून राज्य महामार्गाच्या कामामुळे पूर्वी चौपदरी असलेला रस्ता आता ३० मीटरवरून ...